Dashi

Në një marrëdhënie, debatet nuk zgjidhen duke kërkuar gjithmonë kush ka të drejtë. Dëgjoni partnerin dhe përpiquni t’i sqaroni gjërat me qetësi. Nëse jeni beqarë, njihuni me njerëzit pa u nxituar drejt një lidhjeje. Në punë, merrni përgjegjësi të reja dhe organizojini detyrat me kujdes. Me financat tregohuni të matur dhe përpiquni të mbyllni detyrimet e vjetra.

Demi

Kur diçka ju shqetëson, mos lejoni që krenaria t’ju pengojë të pranoni gabimin. Në çift, mirëkuptimi duhet të vijë nga të dyja palët. Beqarët mund të tregojnë interes dhe të jenë më të hapur ndaj njohjeve të reja. Në punë, detyrat e rëndësishme kërkojnë përkushtim dhe durim. Edhe kur gjërat duken të vështira, këmbëngulja ka rëndësi. Për investimet, mendohuni mirë para se të merrni vendime.

Binjakët

Jo çdo ditë është e lehtë dhe jo çdo problem zgjidhet menjëherë. Në marrëdhënie, përpiquni të mos i ktheni mosmarrëveshjet e vogla në debate të mëdha. Nëse jeni beqarë, mos merrni vendime të nxituara vetëm nga emocionet. Në punë, përqendrimi është i rëndësishëm, por mos u shkëputni plotësisht nga kolegët. Kur keni nevojë për ndihmë, mos hezitoni t’ua kërkoni njerëzve të afërt.

Gaforrja

Një marrëdhënie e mirë ndërtohet me durim, tolerancë dhe respekt. Në çift, tregoni më shumë kujdes për ndjenjat e partnerit dhe mos e lini krenarinë të krijojë distancë. Beqarët duhet t’i lënë njohjet të zhvillohen natyrshëm, pa ushtruar presion. Në punë, mos kini frikë të synoni më shumë, por shoqërojini ambiciet me përpjekje konkrete. Gjithashtu, krijoni zakonin të kurseni një pjesë të të ardhurave.

Luani

Ndonjëherë është mirë të ndryshoni rutinën dhe t’i kushtoni më shumë kohë gjërave që ju bëjnë të ndiheni mirë. Në çift, surprizat e vogla dhe koha cilësore mund ta bëjnë marrëdhënien më të bukur. Beqarët duhet të jenë vetvetja dhe të mos përpiqen të impresionojnë të tjerët me çdo kusht. Në punë, durimi dhe profesionalizmi vlejnë më shumë se nxitimi. Për financat, dëgjoni këshilla të arsyeshme, por merrni vendime vetëm pasi t’i keni shqyrtuar mirë.

Virgjëresha

Të dini çfarë dëshironi është e rëndësishme, por po aq e rëndësishme është të respektoni edhe ndjenjat e të tjerëve. Në çift, bisedat e sinqerta ndihmojnë për të marrë vendime të rëndësishme. Beqarët duhet të shmangin xhelozinë dhe dëshirën për të kontrolluar dikë që sapo kanë njohur. Në punë, pranoni ndihmën e njerëzve që kanë përvojë dhe vazhdoni të përmirësoni aftësitë tuaja. Mbani nën kontroll të ardhurat dhe shpenzimet.

Peshorja

Për të ndërtuar një të ardhme më të qëndrueshme, duhet të filloni me vendime të vogla dhe të menduara mirë. Në marrëdhënie, flisni hapur me partnerin për planet dhe pritshmëritë tuaja. Beqarët mund t’u japin një mundësi njohjeve të reja, duke mos harruar të vlerësojnë karakterin e personit. Në punë, tregoni më shumë kujdes dhe mos i lini detyrat për momentin e fundit. Edhe kur gjendja financiare është e mirë, shmangni shpenzimet e panevojshme.

Akrepi

Kur jeni të irrituar, fjalët mund të lëndojnë më shumë sesa mendoni. Në çift, përpara se të reagoni, përpiquni të kuptoni edhe këndvështrimin e partnerit. Beqarët duhet të mos e humbin besimin te vetja vetëm sepse një njohje nuk shkon siç dëshirojnë. Në punë, kritikat mund të shërbejnë për të përmirësuar rezultatet, nëse i trajtoni me maturi. Me financat tregohuni veçanërisht të kujdesshëm dhe shmangni shpenzimet impulsive.

Shigjetari

Një qëndrim pozitiv ju ndihmon të përballoni më mirë vështirësitë e përditshme. Në çift, mos i mbani ndjenjat për vete; komunikimi dhe vlerësimi i ndërsjellë janë shumë të rëndësishëm. Beqarët mund ta shfrytëzojnë kohën për të kuptuar më mirë se çfarë kërkojnë nga një marrëdhënie. Në punë, vazhdoni me planet tuaja dhe mos hiqni dorë nga synimet vetëm sepse rezultatet kërkojnë kohë. Shpenzoni me përgjegjësi, edhe kur keni mundësi më të mira financiare.

Bricjapi

Të jeni vetvetja nuk do të thotë të veproni pa menduar për pasojat. Në çift, shprehni ndjenjat hapur dhe ndërtoni marrëdhënien mbi respektin dhe besimin. Beqarët duhet të mos lejojnë emocionet e momentit t’i shtyjnë drejt vendimeve të nxituara. Në punë, logjika, organizimi dhe përgjegjësia janë cilësi që ju ndihmojnë të ecni përpara. Në planin financiar, bëni një plan të qartë dhe mos shpenzoni më shumë sesa mund të përballoni.

Ujori

Ndonjëherë është e nevojshme të ndaleni dhe të mendoni për drejtimin që po merrni. Në çift, mos lejoni që keqkuptimet të kthehen në konflikte të panevojshme. Beqarët duhet të jenë të hapur ndaj njohjeve të reja, por pa krijuar pritshmëri të tepruara që në fillim. Në punë, bashkëpunimi me kolegët mund t’i bëjë detyrat më të lehta dhe rezultatet më të mira. Për financat, vazhdoni të planifikoni dhe mos u mbështetni vetëm te fati.

Peshqit

Edhe kur motivimi mungon, disiplina ju ndihmon të përfundoni atë që keni nisur. Në çift, përpiquni të përmirësoni marrëdhënien përmes bisedave të sinqerta dhe gjesteve të vogla. Beqarët duhet të kërkojnë një person me të cilin ndajnë vlera dhe qëllime të përbashkëta. Në punë, mos premtoni më shumë sesa mund të realizoni dhe verifikoni gjithmonë informacionet para se të merrni vendime. Mbani nën kontroll buxhetin dhe vazhdoni të kurseni.

Dashi

Ndonjëherë pengesa më e madhe nuk është vështirësia, por dyshimi te vetja. Në çift, mos i shtyni vazhdimisht bisedat dhe vendimet e rëndësishme; një marrëdhënie kërkon përkushtim nga të dyja palët. Beqarët duhet të kenë besim te vetja, por edhe të tregohen të sinqertë në njohjet e reja. Në punë, mos u dorëzoni përballë pengesave dhe ndiqni objektivat me këmbëngulje. Në financa, pranoni këshilla nga njerëz të besuar dhe mos kini frikë të kërkoni ndihmë kur ju nevojitet.

Demi

Vlerësojeni përparimin tuaj, edhe kur rezultatet nuk vijnë menjëherë. Në çift, bisedat e hapura dhe vendimet e marra së bashku ndihmojnë në ndërtimin e një të ardhmeje më të qëndrueshme. Beqarët nuk duhet të kërkojnë një person të përsosur; më e rëndësishme është të gjejnë dikë me karakter dhe vlera të mira. Në punë, përgëzimet janë motivim për të vazhduar të përmirësoheni. Në financa, vazhdoni të planifikoni dhe të shpenzoni me logjikë.

Binjakët

Nuk është e nevojshme që çdo ditë të jetë e njëjtë. Ndonjëherë një ndryshim i vogël në rutinë na ndihmon të ndihemi më mirë. Në çift, toleranca dhe bashkëpunimi janë çelësi për të kaluar periudhat e vështira. Beqarët mund të përqendrohen te miqësitë dhe gjërat që i bëjnë të lumtur. Në punë, guxoni të sillni ide të reja, por mendoni mirë përpara se të veproni. Në financa, vazhdoni të mbani shpenzimet nën kontroll.

Gaforrja

Merrni kohë për të reflektuar mbi të kaluarën, por mos lejoni që ajo t’ju pengojë të ndërtoni të ardhmen. Në çift, mos kërkoni nga partneri gjëra të pamundura dhe mësoni të vlerësoni atë që bën për ju. Beqarët mund të përqendrohen te vetja dhe te qëllimet personale. Në punë, përgjegjësia dhe përkushtimi mund t’ju ndihmojnë të përparoni. Në financa, shmangni shpenzimet e pakontrolluara dhe mendoni për pasojat përpara çdo vendimi.

Luani

Ndonjëherë qetësia vlen më shumë se një debat i fituar. Në çift, përdoreni këtë kohë për të biseduar me partnerin edhe për çështjet që zakonisht i shmangni. Beqarët duhet të mendojnë mirë përpara se të përfshihen në një njohje të re. Në punë, përkushtimi dhe bashkëpunimi me kolegët mund t’ju ndihmojnë të arrini objektivat. Në financa, ruani disiplinën dhe mos shpenzoni më shumë sesa ju lejojnë mundësitë.

Virgjëresha

Kur ndiheni të irrituar, mos merrni vendime në nxitim. Në çift, ruani maturinë në fjalë dhe veprime, sepse respekti është baza e një marrëdhënieje të shëndetshme. Beqarët nuk duhet ta humbin besimin te vetja vetëm sepse ende nuk kanë gjetur personin e duhur. Në punë, edhe kur gjërat nuk ecin sipas planit, vazhdoni të bëni më të mirën. Në financa, kujdes me blerjet impulsive dhe mendoni për nevojat e së ardhmes.

Peshorja

Nëse dëshironi të ndryshoni jetën tuaj, mos prisni që gjithçka të ndodhë vetë. Filloni me hapa të vegjël dhe qëndroni të vendosur. Në çift, vlerësoni marrëdhënien dhe përpiquni të mos i riktheni vazhdimisht problemet e së kaluarës. Beqarët duhet të mos e shohin vetminë si dështim; kjo është një mundësi për t’u njohur më mirë me veten. Në punë, tregoni aftësitë tuaja dhe mos u trembni nga sfidat. Në financa, vendosni një kufi për shpenzimet dhe shmangni blerjet vetëm për qejf.

Akrepi

Një jetë më e qetë fillon kur mësojmë të mos shqetësohemi për çdo gjë që nuk mund ta kontrollojmë. Në çift, tregoni dashurinë me vepra dhe jo vetëm me fjalë. Beqarët duhet të mos u besojnë menjëherë premtimeve të bukura; njihni karakterin e dikujt përpara se të krijoni pritshmëri. Në punë, mos kini frikë nga mundësitë e reja dhe përgatituni për sfida më të mëdha. Në financa, ruani ekuilibrin dhe shmangni rreziqet e panevojshme.

Shigjetari

Jo çdo mosmarrëveshje duhet të përfundojë në debat. Ndonjëherë të dëgjosh tjetrin është zgjidhja më e mirë. Në çift, përpiquni të kuptoni këndvështrimin e partnerit dhe mos mbani inat për gjëra të vogla. Beqarët mund të takojnë njerëz të rinj, por duhet të marrin kohën e duhur për t’i njohur. Në punë, përqendrohuni te përgjegjësitë tuaja dhe mos u mbështetni vetëm te të tjerët. Në financa, planifikoni shpenzimet dhe mundohuni të kurseni.

Bricjapi

Këshillat e njerëzve me përvojë mund t’ju ndihmojnë të shmangni gabime të panevojshme. Në çift, bëni gjëra të vogla që e bëjnë partnerin të ndihet i vlerësuar. Beqarët mund të krijojnë njohje të reja, por nuk duhet të nxitojnë vetëm nga emocionet e para. Në punë, mos kini frikë të ndryshoni mënyrën si veproni nëse një drejtim i ri ju ndihmon të përmirësoheni. Në financa, edhe kur gjendja është e mirë, ruani një pjesë të të ardhurave për të ardhmen.

Ujori

Kujdesi dhe largpamësia ju ndihmojnë të merrni vendime më të mira. Në çift, shprehini dëshirat tuaja me respekt dhe tregoni gatishmëri për të dëgjuar edhe partnerin. Beqarët mund të krijojnë miqësi të reja pa u ndier të detyruar që çdo njohje të kthehet në lidhje. Në punë, bashkëpunimi dhe guximi për të marrë përgjegjësi janë cilësi që duhen vlerësuar. Në financa, mos u dorëzoni përballë vështirësive dhe bëni një plan të qartë për shpenzimet.

Peshqit

Jo çdo problem zgjidhet duke u mbyllur në vetvete. Ndonjëherë një bisedë e sinqertë mund të ndryshojë shumë gjëra. Në çift, shprehini shqetësimet pa lënduar partnerin dhe mos merrni vendime të rëndësishme në momente konfuzioni. Beqarët duhet të mos nxitojnë nga entuziazmi i një njohjeje të re. Në punë, përshtatuni me përgjegjësitë e reja dhe jepini vetes kohë për t’u mësuar me ndryshimet. Në financa, vazhdoni të organizoni buxhetin dhe shmangni shpenzimet e panevojshme.

Kush do të dijë se në çfarë forme është qeveria, lexon raportin e progresit dhe e ka aty dëftesën e qeverisë.

Këtë përgjigje dha kryeministri Edi Rama, kur u pyet nëse e ka kërcënuar kryetarin e bashkisë Erjon Veliaj, përmes ministrit të Drejtësisë Toni Gogu, që të dorëzojë bashkinë.

Rama i krahasoi me “zhurmat e makinave në bulevard” akuzat që Erion Veliaj i ka drejtuar nga burgu.

“Një dëftesë që mua më gëzon.

Sepse është shumë e qartë që Shqipëria ka bërë një progres të madh, të cilin, për fat të keq, shqiptarët nuk e konstatojnë dot nga ekranet dhe kanalet e dezinformimit publik.

Qeveria është në krye të detyrës dhe vazhdon të punojë, siç e kam thënë edhe më parë, çdo ditë, me pikërisht këtë objektiv për të cilin jemi mbledhur sot në këtë konferencë.

Objektivin historik të bashkimit të vendit tonë me Europën dhe moslejimin e humbjes së një mundësie historike që e kemi krijuar me shumë punë, por që është ndihmuar edhe nga rreshtimi i yjeve në favor të Shqipërisë.

Të tjerat janë si këto zhurmat e makinave që shkojnë e vijnë në bulevard.

Aq sa janë ato të rëndësishme për ne që jemi këtu, aq janë të rëndësishme për mua ato që pyetët ju”, tha Rama.